ဒီနေရာမှာ ခြေစချကတည်းက
ငါ့ရင်ထဲ စမ်းချောင်းလေးတစ်ခု
ညင်ညင်သာသာ ဖြတ်စီးသွားခဲ့တာ...
မျှော်လင့်ချက် တစ်ပုံတစ်ပင်ထမ်းပိုးလို့
ခြေလှမ်းတွေ မ၀ံ့မရဲနဲ့
ဇန်န၀ါရီ နှင်းဇွဲဖွဲထဲ
ပျော်ရွှင်ခြင်းတွေ သဲသဲမဲမဲ ရွာချခဲ့တာ...
အရောင်တောက်တောက် မျက်လုံးတွေ
သန့်စင်တဲ့ ရယ်သံတွေ
မျက်စောင်းလှလှလေးတွေက
မြက်ခင်းစိမ်းစိမ်းနဲ့
ပဲစင်းငုံပွင့် ၀ါဝါလေးတွေကြား
ခင်းကျင်းလို့
ငယ်ငယ်က အီပ်မက်တွေ
လတ်ဆတ်ခဲ့ရာ နေရာ...
ရေတမာစည်းရိုးကြား
လမ်းသွယ်လေးမှာတော့
နွေးထွေးခြင်း ကြည်နူးခြင်းလက်တွေ အကြောင်း
ခြေလှမ်းစိတ်စိတ်လေးတွေက သက်သေခံလို့
တက်ကြွ ထက်မြက်ခြင်းတွေ အကြောင်း
ငြင်းခုံခဲ့ရာ နေရာ...
အဆောင်ရှေ့က
ပိတောက်ပင်အောက်မှာတော့
သူငယ်ချင်းများစွာ
ဒီဇင်ဘာည နဲ့
ပုံရိပ်ဟောင်း... သီချင်းတွေက
ကျောင်းဝန်းကျင်တစ်ဝိုက်
ဖြန့်ကျတ်လို့
အသည်းကွဲတဲ့ သူလည်းရှိရဲ့
အသည်ခွဲခဲ့ သူလည်းရှိနဲ့
ငါ... အသည်းကွဲခဲ့တဲ့နေရာ...
ကျောင်းရှေ့ လက်ဖက်ရည်ဆိုင်
ဗန်ဒါပင်အောက် ခုံဝိုင်းလေးတွေမှာတော့
စာပေ၊ ဂီတ၊ အချစ် နဲ့ ဘောလုံးပွဲ
ပွက်ပွက်ကို ညံလို့
မစန္ဒာရဲ့ ဂျီဟောသူ အကြောင်း
ငါပြောကြခဲ့ရာနေရာ...
အခု ငါ ဒီနေရာမှာ ခြေစုံရပ်
ငါ့ကို ဘယ်သူမှမသိကြတော့ဘူး
ငါကလည်း ဘယ်သူ့ကိုမှမသိတော့ဘူး
ဒီလိုနဲ့ နောက်ပြန် အလှည့်
ဒီရင်တဲက စမ်းချောင်းလေး
ဘောင်ဘင်တွေ ခတိလို့...။
နွယ်ငြိမ်းအေး(IT)
မနေခြည်ထွန်း
ME(IT)
နည်းပညာတက္ကသိုလ်
မိတ္ထီလာမြို့။
No comments:
Post a Comment