ရွက်ဟောင်းညှာကြွေ ၊ ရွက်သစ်ဝေနှင့်
ဥသြသီဆို ၊တေးသံချိုကို
မြင်ရကြားရ ၊ကြည်နူးရ၏
အိမ်မက်လိုလိုတက္ကသိုလ်
မိုးတိမ်တိုက်မြင် ၊ လျှပ်ပန်းဆင်သော်
မိုးရည်ဖြန်းပက် ၊ ပန်းတစ်ခက်နှင့်
ပိတောက်တစ်ခင်း ၊ ရောက်စုံကျင်းသို့
နုနယ်လှပ ၊ မြတ်နိုးရ၏
အိမ်မက်လိုလိုတက္ကသိုလ်
နွေကုန်မိုးဖြစ် ၊ တစ်ဆောင်းသစ်သော်
မြုခိုးမြူမှုန် ၊ ပန်းနံ့စုံတို့
ထုံသင်းပြန့်ဖြူး ၊ ပီတိမြူးနှင့်
စိတ်ဝယ်နှလုံး ၊ လန်းရွှင်ပြုံး၏
အိမ်မက်လိုလိုတက္ကသိုလ်
မိုးထဲရေထဲ ၊ နှင့်ငွေ့ထဲတွင်
နုနယ်လှပ ၊ ၀င့်ထည်ကြွ၏
မျှော်ကာမှန်းဆ ၊ တမ်းလျက်တ၏
အိမ်မက်လိုလိုတက္ကသိုလ်။
အမည် - မောင်ဖုန်းမြင့်ကျော်
(Thanlyin Technological University)
No comments:
Post a Comment